لعبة شك وتخوين من الدرجة الأولى، الهدف منها إنكم تطلعوا "المُجرميتو" اللي مستخبي وسطكم.
- توزيع الأدوار: كل لاعب بيسحب كارت بيعرفه وظيفته (زي طباخ، سباك، خياط.. إلخ).
- المُجرم المستخبي: واحد بس من الـ 4 لاعيبة هو اللي كارتُه بيقول إنه "مُجرميتو"، والباقي ناس بريئة وليها وظايف عادية.
- الجولات: اللعبة بتتلعب على 3 جولات.
- الدلائل: في بداية كل جولة، بيظهر "دليل" جديد عن الجريمة (زي أداة الجريمة، أو رسالة سابها القاتل).
- المناقشة والتصويت: بعد كل دليل، بتبدأوا "تلبسوا" التهمة لبعض بالمنطق أو بالهبد، وفي آخر الجولة بتصوتوا على أكتر واحد شاكين فيه عشان يخرج بره اللعبة.
- الناس البريئة: تكسب لو قدرتوا تصوتوا على "المُجرميتو" وتخرجوه قبل ما الجولات تخلص.
- المُجرميتو: يكسب لو قدر يخدعكم ويمثل إنه بريء لحد آخر اللعبة من غير ما يتكشف.